ال لجرو في معركة البدري وقصيدة ابوسنون الكواد

هذه قصيدة للشاعر أبو سنون الكودري في معركة البدري بين قبيلة آل الجرو وقبيلة معادية .

عند العشي عديت روس المراقيب == وقلب العنا قامت تهايض أعباره
ويا ونتي والكبد فيها لواهيب = = = والعين تذرف كن فيها ظفاره
ويا عايض أركب فوق عوج المصاليب === على عقيلين قطيب وساره
وسرحه من راك عسى فالك الطيب = وعرض على بدوه بتالي نهاره
وحزت صلاة العصر عند المعازيب === آهل الحصاة اللي سواة النماره
في ديرة أبن أحويل تلقى التراحيب == والضيف لا جاهم ثنوا في وقاره
أولاد صالح في الرماية معاطيب === خيالة الجدعا مدابيس غارة
أنشد عليهم كلهم من الأجانيب === يوم على البدري تجينا أخباره
كم سابق شريت بذود حنازيب === خلي عليها الطير وسط المغاره
وكم كاعب تبكي على الرجل والصيب= تلبس على الثوب المجزع غتاره
يوم أقبلوا مثل الحنيني سواريب === وقالوا بنجعل ذا الفريق أصهاره
فيا جعل أخو صهده مع نجعه أيشيب= وضويحي اللي ردها في كراره
ما ودكم يبزى على غيرهم صيب === ويستاهلون اللي يعنف أبهاره
جروية في الهوش تعلق الأصاويب=وتجعل على كبد المعادي مراره
كم واحداً ردوه غصب بلا طيب === بمزرجات الشلف فيدي نماره
يوم أعتلى البارود روس المراقيب === فضويحي طب الخطر دون جاره
وجديع في الضيقات يروي المغاليب=كم شيخ قوم يطفي أجديع ناره
حامي عقاب الخيل والفطر الشيب == لا صاح صياح وجا يوم غاره
من فعلهم غنى حمام المراقيب === وأستر من مثلي وهو في دياره
والعلم لا جابه صدوق المناديب === حقه تراحيب وجزيل البشاره
ومن يوم جاني علمهم صرت في طيب == والقلب مبسوط وهون غياره
==================================
هذه القصيدة قالها الشيخ ابن سرار في قبيلة ال الجرو
عندما غزو قبيلة ال الجرو على ابن سرار وجماعته وأخذو جميع ما عنده من ابل
وسأله ابنه عمر عن الابل فرد عليه بهذة الابيات:

البــــل خذاها ياعمـر كل مطــــنوخ =جرويــــــة تفرح بيوم الحرايــب
جرويــة لا لبســة الـــدرع والجــوخ =من لحقهـــم رزو عليه النصايــب
جانا ابن سبتـــه ناقي كل مطنوخ =وقفوا عليها دقــــها والحلايـــب
وانا كفيف وشذرة السيف مشروخ =والراس من كثر الهواجيس شايب