636-صنداح السهلي وقصيدتة يمدح قحطان

صدرت الامر السامي الكريم بترقية المقدم عبدالله بن سعود الصنداح السهلي الى رتبة عقيد

636-صنداح السهلي وقصيدتة يمدح قحطان 997635219351

ويستاهل ابو سعود والى الامام ان شاء الله

والله ونعمين ياالصنداح =أفخربربعي هل الطاله
تستاهل الطيب والأمداح=نفخربطيبه مع أقواله
ماقلتها قصدي الأرباح=آشوش للشيخ وفعاله
بسم الله الرحمن الرحيم
الشاعر/ صنداح السهلي يمتدح الخنافر وشيوخهم السفارين
في الاربعينيات من القرن الماضي كان الشاعر صنداح السهلي يعيش مع الاخوان من قحطان في الرين وكان رجلا من خيرة الرجال حسب ما ذكر عنه في اخلاقه وعزة نفسه وتدينه وكانت له مكانة كبيره عند قحطان عامه والخنافر خاصه وفي احد الايام وبعد احدى الصلوات واجه شاعرنا صنداح احد الاشخاص وقال له:
اقلط علينا يا صنداح عندنا الشاعر جبران ابن رويشد المشعلي
وكان قد واجه صنداح هذا الرجل قبل هذه المره ولم يضيفه لسوء تفاهم بينهما فضاق الشاعر بما حصل ولم يقلط عليه لانه توقع ان هذا الشيخ لم يضيفه الا لاجل جبران وانصرف بعيدا ليبدد حزنه وهمه بهذه القصيده التي يوضح فيها مبادئه وعزة نفسه ويمتدح ويذكر فيها قبيلة الخنافر وشيوخهم السفارين الذين يعرفونه حق المعرفه حيث يقول :
عند الضحى عديت في راس ما بان = وبيحت مكنون الحشى في طويلـه
علم هل التوحيد(1) مانيـب طربـان = غير الحشى شاكيـا بـه مليلـه
من عقب ذا يا راكب فوق مسمان = اسرع من الدانوق عجـل هذيلـه
بينتها عقب الغبـا يابـو فيحـان = وانا احسبنك ما تعـرف الدغيلـه
قلطتني للكيف في سـب جبـران(2) = ويستاهل الناموس غمـر يشيلـه
مانيب من يقلط على كـل دخـان = لا جا ظلام الليل يومـي شليلـه
حقي على مشلح(3) وشالح(4) وسلطان(5) = وذياب(6) عيد اللي خطاهـم طويلـه
سلم على من كان يدعى بسفران = وليا قضيت فلـم باقـي القبيلـه
لالاد ابن خنفر(7) سلامٍ بسفطـان = ربع يشيلـون الحمـول الثقيلـه
خنافر لا ثار عـج ودخـــــــــــان = يثنون عنـد الجاذيـه والهزيلـه
1- هل التوحيد : يقصد بذلك الاخوان ويوضح لهم انه لا يريد بهذه القصيده انه طربان للشعر وذلك لأن الاخوان عامة وال سفران خاصه يتشددون في قول الشعر ولا يرغبونه
2 ـ جبران : هو الشاعر جبران ابن رويشد المشاعله من قحطان وهو من خيره شعراء قحطان
3 ـ مشلح : هو الشيخ مشلح ابن ذياب ابن سفران
4 ـ شالح : هو الشيخ شالح ابن ذياب ابن سفران
5 ـ سلطان : هو الشيخ سلطان ابن حسن ابن سفران
6 ـ ذياب : هو الشيخ ذياب ابن مشلح ابن ذياب ابن سفران
7 ـ الاد ابن خنفر : ويقصد هنا قبيلة الخنافر حيث ينتسبون لأبيهم خنفر
مجلس شاعرالوطن وشاعرالسهول
https://al3leian.ahlamontada.com/t1891-topic#3774

» 6"تم اعادة مجلس شاعر الوطن السهلي بأمر ادارة شبكة حصاة قحطان
» موسوعة قحطان إخونجيه(لاتعني قحطان) إلتًخذوامسمًى قحطان مطية
» الشيخ / محمد بن هادي بن قرملة رحمه الله
» 9-((شاعر(ن)يمدح قصيده ويرفع مستواه))
» الشاعر/ سهل بن نايف الكسر العتيبي(يمدح بن هذال الدوسري)