يادور الإعلام يالصحف المحليه=ذيعي خبرها وياتاريخ سجلها
ذيعيبها ياالقنوات الفضائيه=لين القنوات في العالم تناقلها
مناسبة يوم ذكرانا الوطنيه= أزكى التهاني لدولتنا وعاهلها
وخوانه أهل المروه والشهاميه=عيال عبدالعزيز مؤسس اولها
أسًس بناها على دين الحنيفيه=وتمم شروط الشريعه ماتجاهلها
بالسيف ثبت ركيزتها الاساسيه=وقاوم صعوبات نجد لين ذللها
حارب وقارب ارجال تحتمي الهيه=لين الامن ساد خارجها وداخلها
وحًد لقبها وسماها السعوديه=حصًن حماها وعرضها وطوًلها
ودع وخلًف حرارصيرمانيه=أحرارمن حرماتخلف فصايلها
وليوم في عهد عبدالله حضاريه =فالمؤتمرات نومسها ومثلها
شيًد بناعزًها سروعلانيه=نادى سعدها وقامت له وقام لها
نهض بها في مراحلها الثقافيه= لين أشرق النور في شتى مراحلها
حتا أصبحت واحة بحماه محميه=من كل ماطاب كملها وجملها
العاهل اللي طموحاته دوليه=ومواقفه تعجزالعالم وتذهلها
ومبادراته على التوحيد مبنيه=دستوره العدل والعوجا يعدلها
سياسته راجحه مليون في الميه=مايقدرسياسي العالم يحللها
حليفه النصربإراده إلهيه=ويًات دعوه ماهي لله مايقبلها
حنالها فالمهمات الضرويه=من شح بالروح جعل الدود ياكلها
والختم صلوعلى الهادي طواعيه =اللي بدا لسنه السمحه وكملها
الشاعر/مبارك بن محمد بن حميد الرجباني
