قصيدة أحد أحفاد "عايض ابو قلوب من ال فهيد المسعود الجحادر"
حاتم زمانه ومتعب أقرانه"رحمه الله"قالـــ"
الشاعرشجاع ابن مجدل ابن ربيع آل مسعود آل لجمل جحادرقحطان"
مرحوم ياعايض راعي الطيب والجود = يــامــكرم الــضيفان وافــي الــخصايل
ابــوقــلوب الــلي لــه الــجود مــشهود = يــاكاسب الــطالات راعــي الــجمايل
مــن لابــة تــعرف لاجاء العلم مردود = خــيــالة الــشرفاء لاجــات الــصمايل
ربــع عــلى الــطالات وافــعالها تزود = لامــا اعــتلوامن فــوق قــب الأصايل
آلاد مــســعود لاجــاءالــققدح بــزنــود = ضـــد الــضــديد لــيازما كــل عــايل
ومن الجحادر سعد من حن له عضود = أهــــل الــقــنا ومــفــتكات الــســلايل
وصــبــيان عــبدالله لــياصاح مــضهود = حــبــابــيــةلاثــارقــدح الــــفــــتــايــل
وحنا إقحطان أصل العرب مارثة هود = بــنــي مــضــيم وكــاســبين الـنفايـــل
وكــل الــقبايل جــالها أفــعال وجــهود = كـــل خـــذا قــســمه بــفــعل ودلايــل
والــخــتم صــلــوعد مــاهــبة الــنــود = عــلــى الــنبي وعــداد وبــل الــمخايل
الشاعر"شجاع ابن مجدل ابن ربيع المسعودي"
أحد أحفاد حاتم زمانه ومتعب أقرانه"عايض ابوقلوب"صاحب الكرم والجود وقصته المشهوره التاريخيه
|
ان الكرم لهو اعلى مناصب الرجوله ويزداد كلما زاد فقر الشخص وزاد كرمه فان رزق الكريم على منهو اكرم منه وهو الخالق الرحمن
عايض ابو قلوب من ال فهيد المسعود الجحادر"حاتم زمانه ومتعب أقرانه""
عاش جزء من حياته في الاحساء بالقرب من سوق الخميس الرقيق هو اشتهر بكرمه وكرم ربه عليه ومره عود لبيته ودعا زوجته وقال عندنا شي قالت والله ماعندنا الا الماء لا تمر لا قهوه لا سكر لا شاهي لا رز لا طحين الماء فقط
فقال ياالله بضيف نشوف السفر معى وجهه.. قالت الحرمه يارجال ماعندنا شي وانت تطلب الله بالضيف ومنين تعشيه
فقال لا جا الضيف فتح الله باب الرزق وكان وقتهم عصر ربوع الصباح السوق ولابد ان يجونهم ضيوف يمسون عندهم
واثنا جدالهم الا رغوة الجيش ينوخ تو الصندقه ولي عنده مجلس خارجي من صندقه اي من الزنق خرج ورحب تراحيب قحطان المعروفه ولي الجيش حوالي عشر وقلطهم وقال كبيرهم انت عايض بو قلوب فقال نعم ويامرحبا ويامسهلا ( شفوا الترحيبه ماعنده الا الماء )
فقال كبير الضيوف ياخويانا نزلوا معمالنا وفرشنا فقام بو قلوب وشب الضووعنها لين تقطع صلوها في الجو ( الضو لاشبت فنصف الكرامه ---- والنصف لاخر ماتيسرمن القوت )
ثم ذهب الى دكان حوله وقال ابغي لي اغراض والدراهم تجيك في الصبح فقال راعي الدكان مااقدر فقال عندي ضيوف شف جيشهم فاستحى منه واعطاه مايبغي من تمر الىسمن الى قهوه الى سكر اللا دقيق الى شاهي الى هيل
قال ودها للبيت وده يروح يدور ذبيحه وساعت خرج وهم عشية ربوع لا هنا راعي ذلول ومعه بكرتين وحده اصغر من وحده يبي يمسي في السوق سوق الرقيقه
ويبيع بكاره في الصباح فقال بو قلوب كم البكره الصغيره ياولد قال بسعر اختها الكبيره بلي تنباع به في السوق الصبح ان بغيتها فخذها والي بابيع به اختها في الصبح عطني اياه ( يعني الفلوس بكره )
من غير مايطلب بو قلوب مهلا قال هتها شريت فناوشه خطامها فراح بها ونوخها تو الصندقه ثم انحرها لضيفانه ودخل عليهم
وقال ابشروا بالشحم قالوا اذبح عدوه فقال لهم سنعوا عشاكم فاعتد واحد منهم بالصلخ يفكره خروف ويوم يطلع ليهو بالبكره راسها ملوي على سنامها فرجع قال ياخويانا قوموا عشاكم بكره سنعوه معي عشاهم وعشا جيرانه وامسوا عنده خير مسا ويوما صبحوا افطروا وعينو خير
لكن
منهم الضيفان ماعرفهم الا بعد ماذبحلهم
الضيف وخوياه ابن شافي امير بني هاجر وامير عاملة الاحساء وخوياه عامله الزكاه جامعين الزكاه ورايحين
وقام ابن شافي ودعا عايض قال تعال عندي ولي قدامه 6 اكوام صغيره عمله فرانصي كل كوم 10 فرانصي
وقال ابن شافي اكرمتنا والله يكرمك هذا المبلغ لك من الزكاه اكرم به ضيوفك يابو قلوب وانتو اياخويانا لاتشلون من فرشنا ولا معمالنا قليل ولا كثير ثم كرم ومشاء
ويوم راحوا لا راعي الذلول مقبل يبي فلوسه قال كم بعت قال بعت بــ 6 فرانصي قال خذ حقك كم حقك يارعي الدكان قال 2 فرانصي قال خذ 3 فرانصي زياده
اوردت هذه القصه لا الكريم لا يضيفه الا كريم مثله ولن يضيفه البخيل ابدا
وارجو من كل من قرا هذه القصه ان يدعو لابن شافي وابو قلوب بالرحمه لعلها تبلغهم منا في قبورهم |
_________________ تــوقــيـع
|
 لاتحسبنًي بشتكـي مـن مساويـــــــــك= مـن دون حدًي بحكمك في حدوديماني ونالعاصـي تضـن الرجـاء فيـك=رجــــاي بالله والـخـلايـق شـهــوديفيني طناخه يافتى الجــــود وطغيـك = أبــــك إقحطانـن كـلهـم لـي سنـودي |
