(ترى خدمة الماجود عيب وعليه شهود)
أنا أشره على اللي فضلو خدمة الماجود=خدمات من ارقى الخدمـات وكذبهـا
تصرفك عن من تتصلبه وهو موجـود=تعذرعن اهل الكذب والكـذب مذهبهـا
ترى خدمة الماجود عيب وعليه شهود=ونـا منـكـر(ن) افعالـهـا واتعايبـهـا
تناسب هل الحيلات والكذب والصدود=عن الواجبات ضعوف الانفس تلوذبهـا
ماحد يستتر بكذوبـة سترهـا مفقـود=ماعمر الملامه بيضت وجه صاحبهـا
يالاجواد ياهل الخير من يبذل المجهود=يصحح مفاهيم بـدأ الوقـت يشطبهـا
يسمي الصنايـع بسمهانقـص ولاً زود=ويحط المبادي والقيـم فـي مراتبهـا
أحب النقاءوالصدق وهل الوفاوالجـود=واقول الصحيح وكلمة الحق أخصبهـا
رجال تغيروتنكـر المنكـر المشهـود=وتخضـع لوامرربهااللـي يراقبـهـا
وصلو على المختارماهب ذاري النـود=على الصادق اللي كلمة الصدق فازبها
الشاعر /مبارك محمد الرجباني
