قصيده معاتبة اخويه
(أنظر إلساس البيت ياباني البيت)
يالله يالي فوق عرشك تعاليت =انك على درب الصواب تهديني
قدلي ثلاث شهور حسبه وتوقيت =اكن مابه اللقلب كني حزيني
تقبل وتقفي بي هجوس ومليت =ماعادتقبل لذة النوم النوم عيني
يابو فهد كم مرت لك تعنيت=ازاورك واجيك لو ماتجيني
مبغي بها مدحه ولابغى بها صيت =وزيارتك حق علي ياضنيني
مع الأسف عندك سوا انرحت وان جيت=لو ماتبين غيب قلبك يبيني
كان الخطى مني حسب ماتوريت=فدمح خطاي وخاطركلايشيني
ان كان من ينصحك مخطي فنا خطيت=والنصح واجب وانتقلبك فطيني
نصيحتي ماقلتها للشفاليت =ولاحد بداري ويش خافي كنيني
ابديت لي رايك بوضعك ونا ابديت =أبديت لك راي الرفيق الأميني
أنظر إلساس البيت ياباني البيت =إياك تبني غير حصنن حصيني
بعت الوفاء يذريك لامن تذريت = وبيت الردى تشمت به الشامتيني
أقولها والراي لك لاتوانيت= منًك عرفنا كل راي سميني
مانيب أطاوعبك كلام الشماميت= ولاارضاإعداي أتمس خشمي وعيني
لولا غلاك وحشمتك ماتدريت = أفزلك كنك حدا والديني
الشاعر /مبارك بن محمد آل حميد الرجباني الدوسري
