|
اعداد ماخط القلـم فـي الداوييـن= واعداد من زار الحـرم واستعابـه
|
واعداد وردن نابت فـي البساتيـن=وعداد ماسـار القلـم فـي كتابـه
|
وعداد ما صلت صفوف المصليـن=وعداد من يسأل ويلقـى الإجابـه
|
سلام ياشيـخ يـروس السلاطيـن=ياسيف عز قبضتـه فـي نصابـه
|
شيخ ولد شيخ مـن أول وذلحيـن=ذيب على الطالـه وربعـه ذيابـه
|
ذيب ولد نايـف اكعـام المعاديـن=يانور عـز فـي الغـدر يقتدابـه
|
لاكبرت القاله على العسر والليـن=يثبـت لهـا شيـخ عزيـز جنابـه
|
ياشيخنـا لاكـشـرت بالنيابـيـن=يافزعة المضيـوم لا بـان مابـه
|
لا كثرت الأقوال في الموقف الشين=تحلهـا بالطـيـب ولا غصـابـه
|
ربعك بني مسعود مثـل الشياهيـن=خيالـة الشرفـاء نهـار الحرابـه
|
كم شيخ قوم تفترسـه السراحيـن=من فعلهم يـوم الجهـل والنهابـه
|
في الموقف الكايد سوات البراكيـن=تارد علـى جمـع العـدا ماتهابـه
|
افعالنا يطرب لها القلـب والعيـن=ركابة اللي في الوصـوف اتشابـه
|
خيل عليها من زحـول الشجعيـن=لاثارة الهيجـاء تشـوق القرابـه
|
لانطحت الفرسان كنهـا مجانيـن=خيالنا في الضيق يحسب احسابـه
|
حماية اللي وسمها واضـح زيـن=اليا مشت في الدرب كنها اهضابه
|
مرباعها في الثفن والعمق والريـن=وايضا العـراق يشوقهـا وتهنابـه
|
ان كانها بالفعـل سجـل ملاييـن=اللي يحسب الفعل يتعـب احسابـه
|
يوم (امخضوب ) شاهد بالقوانيـن=سقت الجحـادر والكفـو يعتزابـه
|
من شان ثار اللي علينـا عزيزيـن=ادروعنا لا صـار هـم وكرابـه
|
ونجد العذيه حاضره في الدواييـن=يامـا بجدتوهـا بـقـوة مهـابـه
|
لا خير في هـرج بليـا براهيـن=لاشك علمي واثـق مـن حكابـه
|
قبل الختام اسمع كلام المضاميـن=اضمن كلامـي والكـلام أنعنابـه
|
أنا من اللي في اللقاء توفي الديـنلاصيـح الصيـاح حضـه رقابـه
|
يشهد لنا ( المسمـر )وحناقليليـن=دون العشايـر موتنـا مرحبـابـه
|
يشهد ( عبالم ) يوم طلق الحجاجين=جندل خيار القوم والرمـح جابـه
|
وانا ولد عايض ورجّـح موازيـن=من راس عود كـل عـز مشابـه
|
شجع بني عمـه وجوكـم وفييـن=قال : احتزم ياشيخ بنمـور غابـه
|
يرقى بهم في سلم المجـد ويبيـن=وزود على طيبه بصـدره رحابـه
|
والحمل ماشاله ياكـود البعاريـن=والدين ماصانه ياكـود الصحابـه
|
والصقـر مايكفـخ بليـا جناحيـن=والذيب يعرف دربه اللـي سرابـه
|
والمرجلـه ماطاوعـت للمساكيـن=لاخير فـي راس ورزقـه هبابـه
|
الجد واحد مابـه ايسـار وأيميـن=الجـد واحـد ماعلينـا غـرابـه
|
اسمع يبو نايـف قـوي الذراعيـن=يالفارس الضرغـام ماحـد هقابـه
|
الداب من دونـه ياكثـر الثعابيـن=الداب يضحك لـه وسمـه بنابـه
|
اليوم ننعم تحـت نخلـه وسيفيـن=في ضل ابو متعب وشعبه رقابـه
|
اختامها صلوا علي نصـرة الديـن=على محمـد عـد مانشـا سحابـه
|
|
