عاصي الشعراء العلياني
مدير العام
الدولة : 
تاريخ التسجيل : 23/07/2010
عدد المساهمات : 3838
 | | موضوع: من حداء الخيل عند قحطاااااااااان الثلاثاء فبراير 08, 2011 10:39 am | |
| حداء الخيل عند قحطان
السلام عليكم ورحمة الله
هذه مجموعة من حداء الخيل عند قبيلة قحطان جمعت بعضها من المصادر المكتوبة والبعض الآخر من الرواة
وحداء الخيل هو أبيات شعرية حماسية يترنم بها الفارس لتشجيع الخيل والخيالة وعادةً ماتكون من بيتين إلى ثلاثة
وإليكم جانب من حداء الخيل لدى قبيلة قحطان ومناسبتها إن وجدت : -
--------------------------------------------------------------------------------
يقول الشيخ الفارس محمد بن هادي بن قرمله شيخ قحطان :
يا طير ياللي في الخضيرا لا تغيب
=يا مومي الجنحان يا رفض الجناح
حنا من العتبان جبنا لك نصيب.
................................----------------------------------------------------------------------------
ويقول الشيخ الفارس ناصر بن عمر بن هادي بن قرمله :
يالأسلم يامال الذهاب
يابيّاعة الماء من القليب
نجد يامال السحاب
حيثك موالغ كل ذيب
ربعي مروية الحراب
مقلطة حوض الشريب
وقال الشيخ الفارس ناصر بن عمر بن قرمله بعد طرد الترك من الإحساء :
في شف إبو تركي نقود الخيل
في كنّة الجوزاء مع المظماه
نسهج قوايلها ونسري الليل
واللي تهيّد مانبي نتناه
الضد عدلْناه عقب الميل
والبيه حدّرناه من مبناه
ويقول الشيخ الفارس ناصر بن عمر بن قرمله :
مندوب لا ماجيت إبن راكان
إسلم وسلّم لي عليه
خلفاتنا ما ضمّت الحيران
والجو بينِّزل عليه
----------------------------------------------------------------------------
---
ويقول الشيخ الفارس محمد العماج راعي الهزلا هذه الأحدية حيث كان ضمن جيش الملك عبدالعزيز رحمه الله في أحد غزواتهم على إبن رشيد :
ودي نسوق الشام بالمظهور
والطيّب اللي تظهره يمناه
وعندما وصلت هذه الأبيات لمسامع إبن رشيد ، أرسل قصيدة طويلة يتوعد فيها العماج حيث أن محمد العماج كان سابقاً من المقربين عند إبن رشيد ، وفيها يقول إبن رشيد :
ياراكب اللي ماترقع سماريه
يلفي بنا العماج راعِ الحكاتي
إن سلم شام الراس والله لجازيه
بنمرا يشاديها حلول الصلاتي
--------------------------------------------------------------------------------
يقول الشيخ والفارس تركي بن حميد شيخ عتيبه :
يا واصلينٍ جمل
لا يركب المثبوره
يذكر ليوم القرنه
يومٍ تحوم طيوره
فرد الشيخ الفارس جمل بن لبده وقال :
تركي خيّالٍ طيّب
ويدورني وادوره
يمهل علينا واركب
فوق الصفرا المذكوره
والله لاروّي سيفي
واقحم شبا المسموره
وهذه أحدية للشيخ جمل بن لبده شيخ آل سعد :
ترعين ياشقح المريخي
مابين علوا والخيام
إرعي بصبيان الجحادر
والصلح ما جاله كلام
يقول جمل بن لبده عندما أخذ بالحداء أمام الإمام فيصل بن تركي متفاخراً على راكان بن حثلين شيخ العجمان :
والله يا لولا فيصل
وامر الإمام مطاع
إن قد أشد وانزل
بين الحسا وانطاع
فرد عليه الشيخ والفارس راكان بن حثلين :
تراه يكذب يافيصل
ماهو بلكم مطواع
نتّافة لحية مرشد
والشيخ الآخر ضاع
وهذه أحديه للشيخ الفارس جمل بن لبده قبل معركة بينه وبين عتيبه :
يا شاري العمر الرخيص
ياهل العمار الغاليه
لم أجد إلا هذا البيت فقط ....
فلما سمعه القوم المعادين ، قال أحد العتبان :
أبنذر القوم
لا يقربون الظلّه
جمل معه فسقان
وراسه عجز من شلّه
--------------------------------------------------------------------------------
وهذه أحدية للشيخ الفارس حسن بن سفران شيخ الخنافر :
لا دارنا الحربي على المثلوم=درنا العياد المكرمات
نضرب بشلفا حدها مسموم=تدني من الحي الممات
وهذه أحدية أخرى للشيخ الفارس حسن بن ناصر بن سفران شيخ الخنافر حيث يقول :
ياعشبة باسفل شعيب الرين=ترعاه طياح ابلنا
إليا ركبنا طيبات الخيل=جاب القلايع خبلنا
--------------------------------------------------------------------------
وهذه أحدية للشيخ الفارس مسفر بن هادي بن سعيدان شيخ آل عاطف موجها لقبيلة يام ومتوعدا باخذ ثار الشيخ الفارس ناصر بن مجدل بن سفران شيخ الخنافر :
يحرم عليهم منزل ٍ بفروان = لو كان منا شايب قد مات
والله لاعديهم ورى الحدان = من فوق خيل ٍ مادغلها افلات
وهذه أحدية للشيخ الفارس مناحي بن جرمان شيخ آل عاطف :
غوجي يشعثر بالسبيب=وتزها الحذي قوايمه
ارجي عليه اطرح شبيب=دام الحرايب قايمه
وهذه أحدية أخرى للشيخ الفارس مناحي بن جرمان موجهها لأعدائه :
الله عطاني منوتي=غوج يشعثر بالسبيب
ياكليب وصل هرجتي=لبو جهز يومك ربيب
ورعه قزا من حربتي=وابوه من قبله صويب
الله يقدي حربتي=في ابو جهز والا شبيب
--------------------------------------------------------------------------------
وهذه أحدية ذيب بن عبّود الشهيرة
يامرقب عسوا وعسيناه=والخيل داجت في النفود
يبيه ابن باحص وحن جيناه=من فوق قب يلحقن بالعود
--------------------------------------------------------------------------------
ويقول الفارس إبن شفلوت شيخ قبيلة عبيده :
يامن يبشّر هل البطين=بالعز هو ويّا الأمان
الخيل سبعٍ واربعين=ماراح منها إلا ثمان
ويقول عشق بن شفلوت شيخ قبيلة عبيده :
خيال صبحا ذا الجبل=وقرين عفر والنفود
تبرا مهاوية الجمل=وأنا على الصفرى الهبود
--------------------------------------------------------------------------------
ويقول الفارس محمد بن رثوان الروقي :
ياطير ياللي فوق فوق=ياللي ترفرف بالجناح
إلحق مع آلاد إبن روق=عشاك من روس الرماح
--------------------------------------------------------------------------------
ويقول الفارس برغش بن مسعود بن قاتله الروقي :
الغوج يسند مثل سند الذيب=شوّاش لا حركه راعيه
شفّي غرير ولا جاله الصيب=واللي جاله الصيب مانبغيه
ياكود بنت مقلّط الترحيب=في بيتٍ الذرا مايلعب فيه
-------------------------------------------------------------------------------
وقال فارس من إحدى القبائل يتوعد الفارس فارس الميال من الخنافر قحطان :
ياربعنا من عيّن الميال=اللي على الحمرا العفوش
فأجابه فارس الميّال :
يجيك مقدم خبرة عيال=حتّاك تبطل ماتعرف الهوش
--------------------------------------------------------------------------------
وقال حادٍ من قحطان في فرسه :
صفرا جنايبها كما الغربان=قد عقّبت عقب الخليف اثنين
لامن رفعت الصوت لقحطان=ياويل منهم يطلبونه دين
ويقول حادٍ من قحطان :
يالله ياللي سايله ما خاب=ونا وغيري في رجاه نعيش
إليا لحقنا بإم نصف خشاب=نرهي العشا لمعكفات الريش
ويقول آخر من قحطان :
يا بنت شوقك موقف ما غار=رمح القنا في إيده ولا يرويه
شومي لذيب هو وأبوه عرار=كم سابقٍ قد عقّبوا راعيه | |
|
