سلم المهادي بالمثايل يناديك(بن جروان العلياني)

السلام عليكم ورحمة الله وبركاته

نصيحه مثل فلق الصبح فيهاماطاب وراق لأولي النهى من الدرروالزبرجد واللؤلؤوالمرجان
((سلم المهادي بالمثايل يناديك))
يالله يامالك ملوك ومماليك=يامديًربالحكمه دواليب الأفلاك
أفرج لمن ضاقت عليه المساليك=مايشتكي حاله وبلواه لسواك
يطلب كرم جودك يخافك ويرجيك=صلى وصام وكمًل الفروض لرضاك
العبد ماله من خطا الإثم تفكيك=ويش نفعه لولا تسامحك وعفاك
نصيحه يامدورالخيرتاتيك=إعرف معانيها عسى الرب يهداك
يالعبد صلًح باولك حق تاليك=في ساعة تحتا ج فيها لحسناك
إحذرابليس وشهوة النفس يغويك=الإيمان خله رأس بيعك ومشراك
ترى عدوالحق بالنزغ يغريك=يدعيك للفتنه وعصيان مولاك
إحذرعدوك بأسفل القوع يرميك=في غبة يرميك في بحرالاهلاك
انظرلمابينك وبين واليك=واحذرتنيساطاعة الرب ينساك
إلى صلح منك العمل رضى باريك=وهوالذي من لازب الطين سواك
سواك وحسن صورتك ثم نفخ فيك=وإذانت مخلوق على قدرمسعاك
أماسعيد والسعاده تباريك=والأشقى مع هل النارمثواك
وامك وبوك اللي بماله مربيك=اسمع لهم واتبع رضاهم بجدواك
حتى نهارالفوزترفع مراقيك=ويكون في طوبا مقرك وماواك
واحفظ حلالك قوتاٌ لك ويغنيك=اعمل بمايصلح لدينك ودنياك
والضيف قوم بواجبه حين ياتيك=لاتتركه وسط المجالات يشناك
والضيف ضيف الله إلى جاك ناصيك=مدة من الماجود من فضل مولاك
واحسن على الأيتام واصل بعانيك=وابن السبيل ودنوتك من دناياك
والجارله حق ولافيه تشكيك=يلزمك حقه مثل هاذا وهاذاك
سلم المهادي بالمثايل يناديك=ومفرح العامري ليًك ومجراك
وخويك اللي بالمسامه يباريك=امانتك في ذمتك دام وياك
إحذرتخونه ينتقم منك واليك=وتبورسلعتك الثمينه بيمناك
واحذرتلبس ملبس العيب يجزيك=تبنا لك السودا معا كون طرياك
وخرج زكاة المال دام الله معطيك=ولاًتهوجس في صلاتك بدنياك
الشاعرالفقير/إلى رحمة الله وعفوه وغفرانه
محمد بن سالم بن جروان العلياني