هذه قصيدة للشيخ والفارس المشهور/ قاسي بن عضيب العاصمي القحطاني من احدى المخطوطات القديمة ،يـا سـابقي رضـعتك الـفلو عـشرين ... لين انشخلتي مثل ظبي المسايل
وشــاروا عـلـيّ نـعـليك قـلنا مـعيين ... وعـقـب الـلـقاح الـعام نـبغيك حـايل
والى نعشت الراس بالحبل تعطين ... راســـك ولا نـعـتـاض فــيـك الـبـدايل
ابـي لـيا مـا ارخيت انا الحبل تهوين ... اهـــواي شـيـهـان ربــيـب الـخـمايل
الله يـجـيرك مــن عـيـون الـشياطين ... وارجـي مـن المولى عليك المهايل
عـلـى الـحـذايا والـمـسامير تـاطـين ... والـلاش مـا هـو عـن جـواده بسايل
اعـطيك مـن الـبر النقي ما تشهين ... والـمـاء عـلـيك ارهـيـه ويــا الـعـدايل
ويـحلب لـك اللي درها فيه تشفين ... عـثوا الـسنام الـلي بـه الـني طايل
مــن رعـيـها لـلـقفر بـيـن الـحفيفين ... بـربـعي مـرويـة الـغلب فـي الـدبايل
"عـواصم" بـالهوش ماهم بعمسين ... ضــاريـن فـــي هـداتـهـم بـالـفـصايل
الـى اعـتلينا شـقص الآذان عجلين ... بـمـصـقـلات تــــودع الــــراس مــايـل
الـخـيـل نـجـعـلها ســـواة الـحـراذين ... بـدهم العروق اللي تشق الوشايل
لا صـــــاح صـــيــاح وحـــنــا مــغـريـن ... والكون صوب اللي من البوش ذايل
والـى لـحقناهم بـالاشناق مـرخين ... لازم يــــعـــود دقــــهـــا والـــجــلايــل
يــا سـابقي مـامثلك انـتي تـريحين ... لاعــدت بـيـن "مـطـير" و"الاد وايـل"
كـــم مـــرة عــنـا يــشـدون عـجـلين ... عـلـوى" مـسـقين الـحريب الـغلايل
كـاشوا خـوالي والـدواسر مـشكين ... وراحــت عـلـيكم يـاخـجيما سـحايل
قـلته وانـا مـن روس قـوم سـلاطين ... قـبـيـلـتي قــحـطـان خــيــر الـقـبـايل
م/نــ الكاتب الراوي ،،،ابن شديد ال مخثله
_________________ تــوقــيـع
رجــواي بالله مــارجيت الحاكم = لــوهو مــلك الــمملكه ســلماني
كيف أرتجي مخلوق حالي حاله = مــايــمــتكن ردالــقــدرلاحــاني
لاكــن له الطاعه قديم وحاضر = مــانخلع الطاعه مثل الإخواني
رجــواي بالله مارجيت العصبه =الــعصبه الــلي شانهم لي شاني
رجــواي فــي للي لاأمرسبحانه = ســبحان من أمره يكون وكاني
عــزًزني الله والــزياده عــندي = إســم الله الأعــظم هوالرحماني
عاصي الشعراء
عبدالله بن فراج بن شويمي العلياني
