عبدالرحمن اعبدالله فراج الأداره
![الأداره الأداره](https://2img.net/i/itest/ranks/stars/stars1.gif)
![عبدالرحمن اعبدالله فراج](https://2img.net/u/3015/27/10/28/avatars/6-78.jpg)
الدولة : ![السعودية السعودية](https://i.servimg.com/u/f84/14/04/99/05/127.gif) تاريخ التسجيل : 10/08/2010 عدد المساهمات : 353
![من قصص شجاعة آل سعد قحطان Empty](https://2img.net/i/empty.gif) | موضوع: من قصص شجاعة آل سعد قحطان الجمعة يونيو 22, 2018 4:50 am | |
| هذه القصة جرت على سعد بن سعمان وابن عمه سعد بن مفرح، الجميع من فخذ آل حلفة من قبيلة آل سعد من قحطان، الاثنين كانوا مع إبلهم في ضواحي (الجله) وعندما اشتهت إبلهم الماء وردها على عد يقال له (الأنجل)، وفي آخر النهار أغار عليهم قوم من أعدائهم حوالي تسعة خيالة طامعين في إبلهم وعندما شاهد الأخوان القوم حصروا الإبل في نقرة بالنفوذ وحالوا بينها وبين المهاجمين، وصاروا يعتزون وينتخون فيما بينهم، وحصل فيهم اصابات وافتكوا إبلهم لأنهم وقفوا وقفة المفادي بنفسه دون حلاله وشرفه. وعندما انتهت المعركة وصاروا يحلبونها وشربوا من حليبها وارتاحوا بعد عناء القتال والطراد، قال سعد بن سمعان قصيدة طويلة تتكون من حوالي 43 بيتاً ولم اجد الا هذه الأبيات ، واللي يعرفها كامله يقول لنا عليها يقول الشاعر
أنـــا وردت ابـلــي قـلـيـب عـيـلـم
قدنا صلاة العصـر مـن مقطانهـا
واثــر سـبـر الـقـوم ينـظـر فـيـنـا
مـن فـوق صفـرا واقـف عنانـهـا
عـود علـى ربـعـه يبشـرهـم بـنـا
البـل صديـرا واقبضـوا رعيانهـا
جـانــا ثــمــان فـوقـهــا ثـمـانـيـة
والتاسعـة طاحـت خذيـت عنانهـا
خـيــل لـيــا جـاتـنـا عـنــد ابـلـنــا
ضيعـت أنـا مـن بندقـي صوانهـا
ضربـتـهـم بـالـبـنـدق المـسـمـيـة
في روسهم كسرت أنا خشبانهـا
نعـم بسميـي يـوم جـرنـا عنـدهـا
هو من شمال البل وأنـا بأيمانهـا
سعد ضرب له سابق مرشوشـة
خلاف العضود وتو سير ابطانها
وأنـا عقـرت اللـي كبـيـر راسـهـا
صما الحوافر سودسـو حذيانهـا
عقرت أنا اللي ما يوصـف مثلهـا
والشيـخ الآخـر طايـح بأوزانـهـا
إلى قوله :
تبـاشـري بالـفـك يــا حــم الــذرا
يـوم اللقـا واللفـح مـن ذرعانهـا
أطعـن لعيـن الفـاطـر أم اشمـالـه
اللـي تبـشـر بالشـبـب ضيفانـهـا
وكلـه لعيـن الـلـي يـلـوح شقـهـا
حليبهـا يصـفـق عـلـى سيقانـهـا
وكله لعين الثنو اخـت ام الفحـل
حمرا صفق الذيل فـي كرعانهـا
وكلـه لعـيـن بـنـت رودة وامـهـا
كبـيـرة الجمـهـات بـيـن أذانـهــا
وكـلـه لـعـيـن الـبـكـرة العمـلـيـة
رديفهـا مــا مــل مــن حجبانـهـا
وكـلـه لعـيـن جــل ذودي كـلـهـا
تـفـرح بـنـا لاضيـعـت حيـرانـهـا
وكله لعيـن اللـي دقيـق صوتهـا
وتنشـد الطرشـان عــن خلانـهـا
امـي توصينـي وأنـا فــي كفـهـا
امنع صخاف الشول من قيمانها
البـل لاجـا العيـد عـيـدي عنـدهـا
يــوم الصبـايـا حـذفـت قنعـانـهـا
البل لا جا القيض فانـا عبـد لهـا
وأنـا عبيـد البـل ومـن عيدانـهـا
| |
|